ZUM SEITENENDE

Bei Ginzkey'n

Aus dr Schule grod entloss'n,
a fuchzehnjährig junges Ding,
's wor noch kaum a Tag verfloss'n,
ich schunn of Orbeitssuche ging.

Glei macht'sch mich uff zur Fa.Ginzkey,
dort wor gerode Konjunktur.
Ganz ängstlich ging ich zu dan Tur' nei.
Ich hatte Glicke und kom ur.

Zuorscht kom ich zum Radlspul'n.
Die Orbeit machte ich ganz gerne.
Doch bale komm'se mich dann hul'n,
daβ ich de Waberei erlerne.

Ich storzt' mich glei mit Feuereifer
ei d' Orbeit, die mich hot beglickt,
und trug menn Koup a biβl steifer,
ols ich menn orscht'n Luhn gekrigt.

Wie schnell verging'n dou die Tage,
mo wor zufried'n monches Juhr,
bis ejmol grod wie mit enn Schlage
de ganze Pracht zuende wur.

Denn dou fing o de gruβe Kriese,
mo denkt nemie orscht gerne dro.
Dos wor dr ejne Zeit, a biese,
weil kejne Orbeit nerne wor.

Of unbestimmte Zeit entloss'n !
Aus wor die schiene Waberei.
Dou stand mr drauβ'n of dr Goss'n,
und wuβte ne wu aus , wu ei.

Dou gab 's kej batt'ln und kej borm'n,
ok füg'n ei dos bitt're Lus.
Ma hott' kej Mitleid mit dan Orm'n,
und wor de Nut ou noch su gruβ.

Doch jetze woll'n mr müh'n uns fleiβig,
zu vrgass'n jene Zeit,
denn neunzehnhundertachtunddreiβig
dou wurn mr ja drvou befreit.

Und glei hott' alle Nut a Ende,
die drauβ'n worn, kom'n wieder nei,
und fleiβig riehrten sich de Hände
jetz wieder ei dr Waberei.

Om Ende breng'n mr's doch zustande,
mr war'n bestimmt recht fleiβig sein,
doβ mr ej dan Sudetenlande
de ollerbeste Firma sein.

 

Darf ich hinzufügen ?

Was nachher kam, ihr lieben Leute,
hat keiner damals wohl gedacht.
Und schauen wir zurück nun heute,
seh'n wir, was Krieg und Wahn vollbracht.